أنا ....وهؤلاء...؟!!

فى الشركة الى بشتغل فيها اتعرفت على ناس لو عشت عمرين اد عمرى مش هاعرف اقابلهم تانى ولا هاشوفهم تانى

ناس بتصلى وبتركع لربنا سبحانة وتعالى وفى نفس الوقت بتاكل من حرام وبتسرق وبتدعى الشرف والمثالية....!

وناس تانية الفرق شايفة الغلط ومبتقولش عليه

وناس تانية شافت الغلط قدام عنيها وبلغت عنه وكان مصيرهم انذار بالفصل وخصم 5 ايام من المرتب

وكنت انا واحد من ضمن هولاء....

يعنى لما اشوف واحد بيسرق لكن علاشن الناس مستفادة منه والامن وابلغ مديرى ويقولى اسكت اكنك مشوفتش حاجه ساعتها افتكرت ان الساكت على الحق كالشيطان الاخرس وبلغت مدير مديرى

وكانت المشكلة ايه ....؟؟

انهم دارو على الموضوع علاشن سمعة الفرع وطلعت انا الغلطان انى قولت وكان مصيرى التحقيق معايا لانى فى عرفهم تعديت مديرى وخت انذار بالفصل وخمسة ايام خصم من المرتب...؟؟

فهل اصبحت الحقيقة وهما فى هذا العالم الغريب ام اصبحت الغريب فى هذا العالم

وناس تانية الحاجه بتبقى قدامهم وصلت لدرجة العفن التام وتتغسل ويترش عليها نكهات وتتباع تانى للناس

الناس الى هما فاكرين انهم بيشتروا انضف حاجه ويتجلى هنا الغش التجارى وانعدام الضمير فى اوقح صورة ....

وناس تانية بتسرق فى الميزان ....وناس تانية بتسرق مع بعض وبعلم المدير الى بيقسم معاهم ويا ويلة الى بيتكلم يا اما بيتلككوا علاشن يلزقولة اى تهمة ويخلصة منه يا اما بيحطوة فى دماغهم

عمرى ما تخيلت ان فيه ناس بالبشاعة والوقاحة وانعدام الضمير وانعدام الاخلاق زى ما شوفت دلوقتى

في عينيك عنواني

من اجمل قصائد فاروق جويدة

شعر: فاروق جويدة
ألحان: محمد عبد الوهاب و محمد الموجي
سميه القيصر

يقول الناس يا عمري .. بأنك سوف تنساني
و تنسى أنني يوما .. وهبتك نبض وجداني
و تعشقُ موجةً أخرى .. و تهجر دفء شُطآني
و يسقط كالمنى إسمي .. و سوف يتوه عنواني
ترى ستقول يا عمري بأنك كنتَ تهواني؟
حبيبي .. كيف تنساني؟
أتيتُكَ و المنى عندي .. بقايا بين أحضاني
أُحبك واحةً هدَأَت .. عليها كل أحزاني
أُحبك نسمةً تروي .. لصمت الناس ألحاني
أُحبك أنت يا أملاً .. كضوء الصبح يلقاني
ترى ستقول يا عمري بأنك كنتَ تهواني؟
حبيبي .. كيف تنساني؟
فلو خُيّرتُ في وطن .. لقُلتُ هواكَ أوطاني
و لو أنساك يا عمري .. حنايا القلب تنساني
أماتَ الحب عشاقاً .. و حبك أنتَ أحياني
إذا ما ضعتُ في دربي .. ففي عينيكَ عنواني
ترى ستقول يا عمري بأنك كنتَ تهواني؟
حبيبي .. كيف تنساني؟

AL AZHAR PARK and Aga Khan Cultural Services Egypt.

AL AZHAR PARK and Aga Khan Cultural Services Egypt.

حديقه الازهر ليلا

من اندر انواع النباتات

مشهد القلعه من حديقه الازهر

صورة للقاهرة الفاطميه من الهضبه

بيتى هنااااااااك اهو

شايف المبنى الاحمر المنطقه دة اسمها درب شغلان

بعديها بقى درب الهنود

بعديها درب سعادة حيث يسكن العبد الفقير الى ربه

دة صورة حديقه الازهر قبل تطوير شركه اغاخان

حديقه الازهر بعد التطوير

دة مطعم ستوديو مصر
الحديقه الشماليه


ستدويو مصر



البحيرة وقت المغربيه

معلومات عن حديقه الازهر
حديقة الأزهر .. جنة القاهرة الفاطمية

المصمم : سايتس انترناشونال , د/ ماهر استينو , د/ ليلى المصري

وسط مدينة القاهرة وعلى أطراف حي الدراسة على مساحة 71 فدان

تم تصميم المشروع المكلف 30 مليون دولار أمريكي

قبل بدء العمل، كانت الدراسه موقع كبير للقمامه. وكان على العاملون نزع تراكمات من القمامه والحجاره تراكمت على مدى 500 عام، بمواد تقدر بحمولة 80,000 عربه كومت في الموقع عبر القرون، وأثناء تهيئة الموقع تمت العديد من الاكتشافات الهائلة. تضمنت تلك الاكتشافات إكتشاف سور المدينه الايوبيه والذي يعود للقرن الثاني عشر في عهد صلاح الدين، بالاضافه إلى العديد من الاحجار الثمينه بكتابات هيروغلوفيه. تلك الاحجار الاقدم، والتي تصل أطوال بعضها إلى متر واحد، تم استخدامها في بناء سور صلاح الدين. ولكي يتم كشف السور الذي دفن عبر الزمن كان لابد من الحفر لعمق 15 متر، 1.5 كيلومتر من السور بأبراجه وشرفاته غير المأذيه، ظهرت بكل روعتها.وقد قام بتصمييها المهندس ماهر ستينو مصرى وقام بالتنفيذ شركات مصرية

رسم دخول الحديقة فى الايام العادية 3 جنيهات، وفى ايام الاجازات 5 جنيهات

ولابناء الدرب الاحمر ب2جنيه

اباء عاجزين 0000 وابناء صامتين

كل شىء فى حياتنا اصابه البرود 00 برودة المشاعر تعصف بكل شىء والصمت يحيط بنا من كل جانب
فالابناء صامتون على ضياع مستقبلهم والاباء مشغولون بجمع المال ولا نكاد نسمع صوتا واحدا طوال اليوم الا وهو صوت التليفزيون ؟!!

لذا فى تقديرى الشخصى ان جيل الاباء هم اسواء الاجيال حظا لانهم دفعوا الثمن مرتين مرة فى شبابهم عندما بنوا انفسهم ومرة فى شيخوختهم عندما ارداوا ان يحموا مستقبلنا وفى كل فترة من العمر تجد احساسا مختلف
فى فترة الطفوله يخافوا علينا من المرض
وفى فترة الشباب يخافوا علينا من الضياع
وفى فترة الشباب يخافوا علينا من الحاجه ومن زمان يذل اعناق الناس
وفى راى ان هذا خطا الاباء ولس خطائنا نحن الابناء
فكان من حقنا عليهم ان يتكرونا نعيش كما نريد
نعمل ونخطى 00نسافر ونرجع00ننجح ونفشل00 ولكنهم يحاولون توفير كل شىء لنا حتى ولو دفعوا الصحه والعمر وراحه البال وكان حصاد هذا اباء عاجزين وابناء صامتين

انها ماساة تضاف الى مأّسى شعب مصر غابت عنه السعادة واختفت القناعه فأبؤنا خائفون علينا
فلا الاب استراح ولا الابن قنع وفى هذا كله غاب شىء عظيم نسيناة وصفه عظيمه اضعناها وهى الضمير والقناعه

حكايه البطه

يحكـى أن
..........في زمن زى زمنا وفى بلد يمكن يكون




كان الحاكم بيتمخطر في شوارع مدينته ويهزر مع رعاياه ويناغش كل اللى يقابله
أصلة كان متواضع ويحب يحشر نفسه فى احوال الناس وهما عارفين انه جبار.
وبعد ما عدى دكان جحا الطباخ بشوية رجع تاني على ريحة البطة اللى بيشويها
لما دخل على جحا اتغير لونه وقال فى سره يا مصيبة سودا دا نهار مش هايعدى
وبعد ما الحاكم عبا صدره بريحة البطة وبلع ريقه قال البطه دى لزمانى ياجحجوح
جحا ضحك غصب عنه وقاله احسن منها يكون عندك بعد شويه يا مولاى .
قاله: انا عاوز دى مش غيرها نفسى راحت عليها وهى نادتنى من الشارع
جحا كان نفسه يعيط لكن خاف وقال يامولاي دى بتاعة تاجر فى السوق
جايبها مخصوص من بيته علشان عنده ضيوف
قاله أتصرف يا جحا
يا مولاي صاحبها مش ساهل ممكن يسلمني للشرطة والشرطة للقاضي والقاضي يحبسني
وأنا مقدرش أقول إن سموك اخدت البطه ولو قلت محدش هايصدقنى
الشرطة بتاعة مين يا جحا ؟
بتاعتك يامولاي
والقاضى بتاع مين ياجحجوح ؟
بتاعك يامولاى
خلاص ما تخافش واعمل اللى انت عايزه وانا هاحميك
ولو قلت انى اخدت البطه هاشويك زيها
يلا اديها للحارس
حاضر..في رعاية الله يامولاى بالهنا والشفا يا ومولاى
ولما شافه بيبعد فضل يضرب راسه بايديه ويلطم
ويقول بالسم الهارى.. بالسم الهارى.. بالسم الهارى يامولاى
هو كل ماينزل السوق مسلمش من أذاه ضيع على اجرة شوى البطه
وضيع البطه على التاجر وسابنى فى وش المدفع وقال ايه هايحمينى ههه
يلا خربانه خربانه
وشويه ودخل عليه صاحب البطه :ايه اخبار بطتنا ياجحا ؟
هز جحا رأسه متعجبا وقال : امر بطتك عجيب
وما العجب فى امر البطة ؟
بعد ما دبحتها ونظفتها ووضعتها على النار قالت كاك كاااك وطلع لها ريش وطارت
كيف هذا ياجحا ؟
هو دا اللى حصل
فبادر جحا بلكمه فى وجهه وردها جحا اليه
فضاق الدكان بعراكهم فانتقلو للشارع واتلمت الناس عليهم
وكان جاى فى الشارع راجل مبسوط ومزغطط ومراته معاه قرب من جحا
وقاله: مالك ياجحا بتتعارك ليه
جحا شاف الانبساط على وش الراجل اتغاظ اكتر رفسه برجله هافت منه وجات فى بطن مراته
صرخت ووقعت ع الارض جحا شاف المنظر جرى فى الشارع والناس كلها تجرى وراه

واحد شاف المنظر عمل شجيع مسك جحا وفضل حاضنه بقوة حتى يسلمه للناس
فلم يتمالك نفسه من الخوف فغرس اصبعه فى عين الشجيع فصرخ وترك جحا
وانشغل بنافورة الدم اللى خرجت من عينه
فزاد عدد الناس التى تجرى وراه ولما ضاقت بيه دخل الجامع....دخلو وراه... طلع المادنه ...طلعو وراه
قبل ما يمسكوه رمى نفسه على واحد نايم تحت المادنه وقام يجرى واهل المدينه كلهم وراه
قابله فرارجى راكب حمار ومداين جحا اعترض طريقه بالحمار
وجحا من الخوف والغيظ شد ديل الحمار طلع فى ايده
فاخذ الحمار يتألم ويعنطز ووقع صاحبه فكسر ذراعه
وفضل يجرى حتى دخل مركز الشرطه بجوار بيت الحاكم .
الحاكم سمع الزعيق وبص من الشباك شاف منظر الناس وارتبك خاف ليكون انقلاب عليه
طلب من صاحب الشرطة معرفة الحكاية بسرعة
رجع بعد شويه وقال يامولاى الناس بتجرى ورا جحا وهو هرب منهم ودخل مركز
ال الشرطة
قهقه الحاكم قال: اصرف الناس واكرموا جحا
يا مولاى الناس رفضت الانصراف عاوزين جحا يتحاكم امامهم على جرايمه
جرايمه ؟
ناس هبله جرايم ايه كل ده علشان البطة اللى اكلناها انا وانت والقاضى؟
لا يامولاى دى اقل واحده فيهم
ليه هو عمل ايه تانى ؟ ولا بلاش تقول نسمع من الناس وجحا فى المحاكمة
ثم نظر الحاكم الى القاضى وقال عليك انقاذ جحا وتأديب اهل المدينه الملاعين علشان
لا يكرروها تانى ويتجمعو بالشكل اللى يخوف دا
رد القاضى فى ثقة وهو يمسح شنبه من اثر دسم البطة لا تقلق يامولاى دى لعبتى
وكويس اننا مش ملتزمين بقانون واحد نطبق القانون اللى يعجبنا حسب كل قضية
غسلو ايديهم من اثر البطة وخرجو جميعا الى قاعة المحكمة
وفى طريقهم اخذ الناس بالهتاف : العدل يامولانا القصاص من جحا يامولانا
اشار لهم الحاكم فسكتو فقال: سنحاكمه بالعدل وهذا أفضل قضاتي سيحاكمه أمامكم
نظر بعضهم لبعض وهم يهمسون ربنا يستر
دخل الناس المحكمة ثم ادخلوا جحا فهاج الناس عليه ولولا انه فى القفص لقطعوه
وعندما دخل عليهم الحاكم ومعه القاضى وصاحب الشرطة التزمو الهدوء
وجلس القاضى على المنصة وقال ليس مسموح بالكلام إلا لاصحاب الحق والمجنى عليهم فقط
ويعرضوا مظالمهم وعلى جحا الايتكلم مهما حدث او يدافع عن نفسه
فشعر الناس بالارتياح قليلا وهمس بعضهم بأن اليوم على جحا
طلب القاضى ان يقوم اصحاب الحق ليعرضو شكواهم بالترتيب حسب وقوع الاحداث
فقام صاحب البطة وقال جانى ضيوف من بلاد بعيده فذهبت الى جحا ببطه سمينه ليشويها لضيوفى
فلما ذهبت اليه قال لى ان بطتى امرها عجيب فبعد ان ذبحها ونظفها ووضعها على النار
قالت كااك كااااك وطارت فتعاركنا
فضحك الجميع فأشار اليهم القاضى فسكتو الا الحاكم ظل يقهقه حتى كاد يسقط على الأرض
ولما انتهى قال القاضى سبحان من يحي العظام وهى رميم ووجه كلامه لصاحب البطه قائلا
هل تعترض على قدرة الخالق فى ان يفعل ببطتك هذا
فقال صاحب البطة : لا
فقال القاضى : اذن فقد ظلمت جحا وكنت سببا لمشاكل اخرى
وعليه نحكم ببرائته وبان تدفع غرامه الف دينار.
فبان على الحاكم الارتياح ونظر الناس الى بعضهم ولم يجدو تعليقا
نادى الحاجب اللى بعده
قام الرجل الذى كان مبسوط وهو ينتحب وقال انا ياسيادة القاضى متزوج منذ سنين ولم انجب واليوم فقط كنت مع زوجتى عند الطبيب واخبرنى انها حامل ففرحنا وكنت عاوز ارقص فى الشارع وكنت عاوز الناس كلها تفرح زيي ودا اللى جعلنى اسأل جحا واقوله مالك ياجحا بتتعارك ليه فضرب برجله جات فى بطن زوجتى فسقط حملها
سكت القاضى قليلا وراى التعاطف فى اعين الناس وتململ الحاكم
ثم اكمل القاضى: انت صاحب حق
ولقد افسد جحا حمل زوجتك وعليه نحكم بأن يصلح جحا ما أفسده
فصرخ الرجل لالالالالالالالالا انا متنازل
قال القاضى اذن تدفع غرامة الف دينار لانك رفضت حكم المحكمة .
زاد الصمت فى القاعة ونظر الحاكم للقاضى نظرة وكانه يقول له يا لك من داهية
نودى على اللى بعده
قام الشجيع وعينه مربوطة والدم ظاهر على الرباط وقال ماحدث معه
فقال القاضى انت رجل شجاع واردت ان تمسك المتهم ففقأ عينك وعليه يجب القصاص من الجاني
ففرح الرجل ولكن القاضي أكمل وهو ينظر للحاكم قائلا ولكن أنت لست من أهل المدينة الأصليين
ولست علي عقيدتنا وهنا يجب إقامة نصف الحد على جحا
فازبهل الرجل وقال كيف يكون ذلك يا سيادة القاضي
فرد القاضي بان يقوم جحا بفقء عينك الثانية ثم يقام عليه نصف الحد فتفقأ انت احدى عينيه
فبكى دموعا ودما وهو يقول لالالالالالالالا انا متنازل فغرمه القاضى بالف دينار
وقام التالى وقال: كان لى اخ واحد يساند كل منا الاخر فى الحياة وليس لنا سوى بعض وكان طيبا
ودائما فى الجامع واليوم نام تحت المادنه حتى تحين صلاة العصر فقفز عليه هذا المجرم فقتله
فابدى القاضى تأثره وظن الحاكم ان قاضيه لن ينجو من هذه الورطة
فقال القاضى من قتل يقتل .
فنسى الرجل حزنه على أخيه وقال فرحا يحيا العدل يحيا العدل
فقال القاضى مرة اخرى من قتل يقتل ولكن بنفس الطريقة
وهنا بهت الرجل وتساءل : كيف ؟
فقال القاضى ان ينام جحا مكان اخيك وتقفز عليه انت مثلما قفز على اخيك
فبكى وقال ماذا لو مت انا من القفزة وليس هو او مات معى من يرعى اولادى واولاد اخى
لالالالالا لن اعرض نفسى للموت من اجل ميت انا متنازل
ودفع الف دينار غرامة وهو يقول ياروح ما بعدك روح والحى ابقى من الميت
ثم قام الثالث قبل ان ينادى عليه احد وقال : سيادة القاضي أنا الفرارجي صاحب الحمار
الذي سقط ذيله دون ان يلمسه جحا او غيره فاسقطنى الحمار وكسر ذراعى وهذه الألف دينار الغرامة
وهنا اعلن القاضى رفع الجلسة بعد ان اسقاط كل التهم عن جحا
فانصرف الناس مطأطئ الرؤوس ولم ينبس احدهم بهمسه
بينما كاد الحاكم يحتضن القاضى بعينيه ثم نظر مبتسما الى جحا
فرآه مزغططا ويشير لمولاه بيديه اشارة معناها انه سيرسل له كل يوم بطة سمينه مربربه

على قد ما حبينا

على قد ما حبينا

كلمات: عبد الرحيم منصور


ألحان: بليغ حمدي


غناء: علي الحجار



على قد ما حبينا .. و تعبنا في ليالينا


الفرحة في مشوارنا .. تاني حتنادينا


طول ما القلب صافي .. بحر العشق وافي


و كل عذاب الدنيا .. حيروق بكرة لينا


بس إمتى ليالينا .. ع الحلم ترسينا


بين أيوة و لا .. الحب بنلقاه


ما أحلى الحياة .. بصحابنا و أهالينا


و عذاب الحياة .. لما نكون وحدينا


لو نروق حيجينا .. كل ما اتمنينا


على قد ما حبينا .. و تعبنا في ليالينا


الفرحة في مشوارنا .. تاني حتنادينا


لو ممكن تطيب .. أحزان الحبيب


شمس الحب تطلع .. من بعد المغيب


بس إمتى أمانينا .. تيجي و تدفينا


ليه مانكونش ذكرى .. لليلة الجميلة


ليه مانكونش غنوة .. في الرحلة الطويلة


داحنا ياما شقينا .. من يوم ما اتنسينا


لو نروق حيجينا .. كل ما اتمنينا

الرقص على قبر مـــــــــــــــــــــــــــــــصــــــــر

دينا رقصت لثوانى فى لشارع ولكن عشرات الوزراء والمسؤلين رقصوا على مصر منذ 25
عاما وهؤلاء هم الذين دمروا الشباب وقتلوا احلامه وتسببوا فى ضياعه
وسط دينا برىء من احداث وسط البلد .. المذنب هو ضمير وعقل وفكرحزب الاغلبيه الذى يعتمد على القوة كوسيله للعيش و البقاءبعد ان تجرد من كل المعانى والقيم الشهوات
الشباب اصابها الهياج ليس فقط من دينا ولكن بسب الاحباطات الاجتماعيه وحاله الياس التى وصل اليها الشباب وانهيار الاوضاع الاقتصاديه والمعيشيه كل هذا ادى الى حاله من الضياع لدى الشباب ..
ماذا يفعل الشباب المحبط وهو يعيش تحت حكم نظام (00000)يكذب عليه يوميا وحكومه تتاامر على احلامه وطوحاته
ماذا يفعل الشباب الباأس وهو يرى مصر منهوبه 25 سنه على يد الكبار ومستنزفه بفعل الفساد الناتج عن تحالف المال مع السلطه..
ماذا يفعل الشباب وهو يستمع يوميا الى تصريحات ورديه بالااف فرص العمل والاف المصانع ثم يكتشف ان كله وهم فى وهم وسراب فى سراب.
ماذا يفعل الشباب وهو يرى المسؤلين يلتصقون بالكراسى منذ لحظه الميلاد الى مرحله الشباب دون اى تطور سوى مزيد ومزيد من الانهيارات الاجتماعيه والمعيشيه .
ماذا يفعل الشبا ب الحالم وهو يرى المسؤلين والوزراء يلتصقون بالمقاعدحتى المووت .انا لا اعطى مبررا للمتحرشين ولكن احد الاسباب الصحيحه بعيدا عن الكلام المرسل 0
يا ايها الملتصقون بالمقاعد الحكوميه لا تتشبثوا بوسط دينا للخروج من الازمه ولا تتعوا ان الشباب اصاب بحاله من الهياج بسب ( الرقاصه ) فالقضيه هى ضميركم الذى مات وقلوبكم التى شاخت دينا رقصت لثوانى فى لشارع ولكن عشرات الوزراء والمسؤلين رقصوا على مصر منذ 25
عاما وهؤلاء هم الذين دمروا الشباب وقتلوا احلامه وتسببوا فى ضياعه
ويبقى السؤال :.
شباب مصر ....كيف ضاع ؟؟!